Kvart år gjennomfører NHO kommune-NM, som er ei rangering av alle kommunane i landet for å måle kvar kommunes økonomiske berekraft. Rangeringa baserer seg på tal og statistikk innanfor temaa næringsliv, arbeidsmarknad, kommuneøkonomi, kompetanse og demografi.

Sjå full liste over indikatorane som er brukt nedst i saka.

– Kommune-NM forsøker å måle kva kommunar som er mest vekstkraftige, seier NHOs sjeføkonom Øystein Dørum i ei pressemelding.

Den beste kommunen i årets kåring er Sola, etterfølgd av Oslo, Bærum og Trondheim. Ein trend som tydeleg går att er at store kommunar generelt sett gjer det betre enn små kommunar.

– Kommune-NM viser tydeleg at mange distriktskommunar pregast av smådriftsulemper. Lite næringslivsvariasjon og dårleg tilgang på arbeidskraft hemmar grunnlaget for vekst. Svekka kommuneøkonomi blir endå ein stein til byrda. Det er fortsatt for mange små kommuner i Norge, seier Dørum.