Nye artistslepp til Utkant
Festivalprogrammet er i ferd med å fyllast ut.
Leiinga i Utkant fortset å lansere artistar til sommarens festivalutgåve på Skjerjehamn.
Allereie i fjor sommar vart Kjartan Lauritzen lansert, og i starten av februar vart bookingane av Admiral P, Slomosa og Oddny presenterte.
No er tre nye grupper/artistar stadfesta klare. Dei tre er Gunn Kvaale, Nico & Vinz og D.D.E.
Medan Sogndal-artisten Gunn Kvaale har fått sitt gjennombrot dei siste to åra, har Nico & Vinz og D.D.E. vore etablerte stjernenamn gjennom mange år.
Nico & Vinz gjekk framleis under namnet Envy då dei slo gjennom i Norge, men dei skifta namn då låta “Am I Wrong” gjorde stor internasjonal suksess i 2014. Låta er framleis i dag blant dei norske låtane som har gjort det best internasjonalt.
Trønderrockarane i D.D.E. har derimot halde seg mest innanfor landegrensene, og har no halde musikken gåande i 35 år.
Dei nye artistsleppa gjer at festivalprogrammet, inkludert fleire headlinarar, er i ferd med å fyllast ut. Samstundes melder festivalleiinga at det snart kjem fleire artistslepp.